اسم المستخدم
يباب.كوم في 
في أبوظبي: انطلاق معرض العبايات والجلابيات تاريخ 30 مايو 
بوتيك اوش - Ush Boutique
رقم التليفون
0097143442202 - الموبايل: 00971507097978 - الفاكس: 0097143442205
العنوان
دبي - جميرا الأولى، شارع الوصل، بعد المستشفى الايراني بإتجاه أم سقيم، أول لفة على اليمين قبل محطة بترول الامارات.
منو الشخص إلي ممكن أتواصل وياه
للعبي و المنتجات المعروضة: أوشا، سلرينا او سيليا
نبذة عن المحل؟
أوش بوتيك لصاحبته المصممة عبير السويدي, هو أول محل في الامارات يشمل أكثر من مصممة للعبايات من جنسيات مختلفة تحت سقف واحد. للمحل اكثر من 15 مصممة من مختلف البلدان مثل الامارات, السعودية, ايطاليا, سوريا و المغرب ينتمين لشركات معروفة مثل:
اوش للأزياء
ستايلك مودا للأزياء
At A Glance
Lesommet
Jeans
المصممة خلود بن عرب
المصممة أمل مراد
غالي للأزياء
Doris Dulce
المصممة حصة الفلاسي
كوين اوف سبايد للأزياء
أسود للأزياء - أسواق للأزياء
ديباج للأزياء
عفّة للأزياء
اللمسة الأنيقة للمصممة أمل
منيتي
Dan Collection
IGE
إكسسوارات ناديا
إكسسوارات فاطمة
الاسعار تبدا من كم؟
اسعار العبي ذات الاستخدام اليومي تبدأ من 1200 و توصل الى 1500 درهم.
اسعار العبي الي فيها ديزاين و قصة تبدأ من 2500 الى 3500 درهم.
اسعار العبي الي فيها ديزاين و قصة و شغل والي تستخدم للمناسبات تبدأ من 3500 و توصل 6000 درهم. اسعار العبي الي فيها ديزاين و قصة و شغل والي تستخدم للعروس تبدأ من 6000 و توصل 14000 درهم.
كيف طريقة الدفع و شو عن العربون؟
الدفع يكون كاش أو بالكردت كارد. العربون يكون 50% و الباقي عند التسليم.
ديزايناتكم ثقيله ولا خفيفه؟
ديزايناتنا جديدة و فريدة و فخمة لأننا نركز على الجانب الابداعي في التصميم. نعتمد على القصات و على الشغل في نفس الوقت و العبي الي عندنا فيها حركات و اشكال يديدة مب منتشرة و هذا الي يميّز تصاميمنا خصوصاً انها مقدمة من عدد كبير من المصممين.
هذه المجموعة التي عرضت في أسبوع دبي للموضة 2011 للمصممة "عبير السويدي":
هذه بعض الصور لآخر عرض أزياء للمصممة "عبير السويدي" خلال أسبوع دبي للموضة:
هذه صور المحل من داخل:
لو فصلت او اشتريت عدد كبير بتعطوني خصم؟
نعم في خصم و يعتمد على العدد و السعر النهائي.
كم تاخذون وقت لين تخلصون العباية و استلمها؟
يعتمد على ضغط العمل و لكن في العادة الموضوع ياخذ اسبوعين تقريباً.
تفصلون التصميم اللي في بالي ولا لازم التصميم يكون بس من عندكم؟
نحن بس نفصل التصاميم المقدمة من عندنا.
تسوون بروفا؟
نعم نسوي بروفا و اذا كان في حاجة اننا نعدل او نضبط العباة فأكيد بنسوي المطلوب. و طبعاً عندنا اكثر من غرفة للقياس, و هذه بعض الصور الخاصة بغرف القياس:
تغيرون شي في التصميم ولا لازم نفس التصميم بالضبط؟
نعم ممكن نغير التصميم عشان يناسب الزبونة.
عندج خدمات ثانية في البوتيك؟
نعم عندنا مجموعة متنوعة من فساتين السهرة و المناسبات و الجلابيات و لبس مخصص للسفر بحيث انه يستر و يكون خفيف في نفس الوقت و الشنط و الاحذية و الاكسسوارات و العطور و البخور و ثياب الاطفال.
اي معلومات ثانية تبغين توضحينها للناس؟
ننصح الجميع بزيارة البوتيك لأخذ نظرة شاملة على المنتجات لانه على شكل معرض متكامل من كل الجوانب و الزبونة ممكن تاخذ راحتها بشكل كبير في مشاهدة العبي و الفساتين و غيرها من المنتجات.
الزبونة بتاخذ راحتها عندنا في البوتيك لتوفر المواقف و المساحة الخضراء الخارجية و غيرها من الامور
وين موقعكم على الخريطة؟
مكاننا على الخريطة موجود على الرابط التالي:
Javascript is required to view this map.
إضافة تعليق جديد
- 53300 قراءة
- 23 تعليقا
- ارسل لصديق
التعليقات
ان شاء الله بزور البوتييك حبيبتي ^^
الساعه كم تفتحون و تسكرون البوتيك
انا ان شاء الله جايه لدبي هاي الاسبوع ويسعدني ازور بوتيككم بس حبيت اعرف متى دوامكم الساعه كم تفتحون وتسكرون
شي حلوووو ماشاء الله يجنننن العبي و كل شي من محلكم بس استفسر عن الملابس اللي لابستنها الشيخه موزه يعني كيف موديله و جييه بعني ارجو الرد بسرعه
برد اطرش لكم نفس الايميل على ايميلكم هذا
سوري كيف ماوصلهم ايميلي وانا كلمت الفلبينيه وقالت انها شافته وعطتني سعر عباتين
واتصلت الصبح وردت علي نفس الفلبينيه وقالت شفت ايميلج ووصلني لكن قالت برد اتصل لج ثاني مره واقولج عن اسعار باقي العبي اللي انتي طرشتيلي صورهم عقب قالت نطري لين اتجي ماادري من مسؤولتهم واول ماتجي بنخليها تكلمج ولي يومج ماااااااجاني اتصال ..
سوري بس دقوا علي وانا بقولكم عن العبي اللي ابيها انا من قطر واسمي نوف الكواري .... ورقمي على الايميل بطرشه الحين ... ارجوا التعاون بأسرع وقت واكون شاكره لكم ...
مرحبا الاخت نوف،
نعم ان شاء الله يوصلهم ايميلج و يتواصلون وياج، و اذا صار تأخير بإمكانج ارسال التفاصيل الى info@yebab.com و نحن بنتواصل وياهم و بنعطيهم خبر.
بليز ردوا على ايميلي انا من قطر ومناسبتي قريبه وموظفات المحل تأخروا علي بالرد . موفقيييين
مرحبا الاخت نوف،
تواصلنا مع المحل و أخبرونا انه لم تصلهم رسائل على الايميل. يمكن ارسال الرسالة الى
info@ushboutique.com
او
geetika@ushboutique.com
او الاتصال بالمسؤولة على 00971552230665
و تقبلي منا فائق الاحترام و التقدير
رووعه
طرشت لكم رساله على ايميلكم ياليت لو تردون علي باسرع وقت ..
الله يوفقج حبيبتي ..
موقفك حياتي المحل رائع والموديلات اروع وقمه في الاناقه
حبييت اهنيك علي تعاملج مع اكثر من مصممه وانضمامكم تحت اسم واحد ومحل واحد وتعاملك مع المصممات اهنيك لاني اول مره اسمع عن مصممه تضم هل كم من المصممات تحت سقف واحد انما يدل علي اخلاق راقيه وانسانه متواضعه وتمد يد المساعد للمواهب
بس حبييت استفسر اذا تتبنين مواهب من البحرين في عرض بعض التصاميم عندكم في المحل
بصراحه انه اصمم عبائات وجلابيات سهرة ومني جلابيات قصيرة مستوي راقي في الموديلات والتطريز والشك بالسوارفسكي
اذا حابه تستقبلين تصاميمي اكون شاكره لج
ياريت اتلقي منكي الرد وكيفيه التواصل معكي
بالتوفيق ان شاء الله
السلام عليكم
حبيت اعرف شو الشروط عشان الواحد يقدر يعرض عندكم. انا اصمم جلابيات وحابه اعرضهم عندكم في المحل.
قمة الروعة
وااااااو صراحة ما شالله عليكم في اشياء تحسينها صدق ابدااع فديتج بخصوص الاكسسوارات اللي تنحط في الريوول كأنها خلخال بكم سعرها ؟؟؟
اممم انا شفت عرض ازيائج وايد عجبني بس انا من منطقه بعيده عن دبي
من الفجيره يعني ماتقدرين تفتحين فرع او تقدرون توصلون لدبي ؟
تصاميمهم مبتكره و روووعه و تعاملهم قمه في الذوق و فساتينهم حلوه اسعارهم بين المناسب و الغالي
تصاميمهم مبتكره و روووعه و تعاملهم قمه في الذوق و فساتينهم حلوه اسعارهم بين المناسب و الغالي
:p العبايات حلوة وووووووووووووووووووووووووووووووووووووايدبس انا ما فهمت وصف المحل انا عمانية واحب ستايلات غريبة وحابة اتواصل معاكم على هالايميل
السلام عليكم و الرحمه
لفت نظريه اسم المحل ،، ابى اعرف سبب التسميه؟؟
و ان شاء الله لي زياره لكم أكيد ،، :)
سؤال وليس تعليق
هل لديكم مقاسات كبيرة ؟
بالنسبة للجلابيات وملابس السفر
وبالتوفيق إن شاءالله
my best abaya shop
keep it
نعم يوجد لدينا مقاسات كبيرة للجلابيات و ملابس السفر. تفضلي بزيارة البوتيك و ان شاء الله تحلصين الي تبينه
إضافة تعليق جديد