اسم المستخدم
يباب.كوم في 
في أبوظبي: انطلاق معرض العبايات والجلابيات تاريخ 30 مايو 
صالون رشنا للحنا - Rachna Salon
رقم التليفون
الفرع الرئيسي في جميرا 043944489
العنوان
عندنا 7 افرع في دبي، عجمان، رأس الخيمة، الفجيرة و العين
منو الشخص إلي ممكن أتواصل وياه
ممكن الاتصال بالفروع نفسها و بيخدمونكم بكل التفاصيل
تنبيه: هذه الصفحة مخصصة فقط للحريم, لانها تحتوي على صور خاصة بهن.
دبي: جميرا - صالون رشنا للحنا 043944489
بر دبي- صالون لينا للتجميل 043538828
ديرة - رشنا بيوتي صالون 042728001
عجمان - رشنا صالون 067441132
راس الخيمة - رشنا صالون 072333390
الفجيرة - رشنا صولون 092243606 - 0503923704 المسؤولة: كرشنا
العين - صالون العروسة للحنا 037541116 - 0506230190 المسؤولة: كريمة
شو انواع الحنا عندكم؟
عندنا مختلف الانواع ابتداءاً من الحنا البنية العادية و تدرجاتها من اللون المرون و الاحمر و هذه كلها حنا طبيعية.
احياناً بعض الزباين يبون الحنا السودا, و نحن ما ننصح فيها لانها مب حنا طبيعية و فيها مواد كيماوية حيث ان 10 الى 15% اتيهم حساسية من هذه الحنا لان يعتمد على نوعية الجلد و طبيعته.
شو انواع النقشات عندكم؟
نحن بدينا النقشات العربية في دبي قبل 30 سنة, ايام قبل كانوا الناس يسوون الحنا في البيوت و نحن دخلنا هذه النقشات في السوق و خليناها صناعة كاملة بدل ما كانت في البيوت. نحن الي بدينا الحنا العربية في الصوالين و منتشرة حالياً الحنا العربية بشكل كبير و صارت معروفة على النطاق العالمي. نحن فوق خبرتنا الكبيرة في انواع النقشات مثل الهندية و السودانية, عندنا ايضاً ماضي كبير في صناعة الحنا العربية.
هذه صور لبعض النقشات عشان تعطي فكرة عن طبيعة الشغل:
عندنا اكثر من البوم تقدر تختار منه الزبونة النقشات الي تعجبها, و هذه صور لبعض النماذج الخاصة بالنقشات:
شو هي اسعاركم؟
اسعارنا تختلف باختلاف الطلب لان في انواع كثير من الحنا الي ممكن تسويها الزبونة. و ايضاً السعر ممكن يختلف بإختلاف الفرع الي الزبونة تروحله لان ارتفاع الايجارات و المواصلات و باقي التكاليف يجبرنا اننا نفرق في الاسعار بين كل فرع و لكن في العادة الفرق يكون بالكثير 20 الى 25% بين الفروع. هذه قائمة بالاسعار الخاصة بالخدمات الي نقدمها عشان تعطيكم فكرة عامة عن الاسعار
تسوون لي حنا في البيت؟
نعم ممكن اني البيت و ايضاً الفنادق واي مكان لاي مناسبة للعرس او للحنا طبعاً
الاسعار في العادة تستوي دبل لما نطرش الحنايات برع الصالون و لكن نعطي خصومات حسب عدد الاشخاص الي نسويلهم حنا. نحن من سياستنا اننا ما نزعل الزباين ابداً فلا تحاتون بالنسبة للاسعار في هذه المناسبات. حتى ممكن نروح خارج الامارات للاشخاص الي يرغبون بهالشي و سويناها قبل لبعض الاعراس.
كم حنايه ترومون اطرشونها البيت؟
يعتمد على الطلب. ممكن نوصل الى 15 او اكثر لو تبون, يعني العدد مب مشكلة عندنا اعداد كافية.
في حالة طلب الحنايات في البيوت او الفنادق, الافضل ان الزبونة تحجز قبل الموعد باسبوع او اسبوعين عشان الزحمة.
المدة الي ممكن تاخذها الحناية ممكن تكون يوم كامل, و هذا يعتمد على المتطلبات و عدد الاشخاص و النقشات المطلوبة.
بالنسبة لحنا العروس الايد و الريول عادتاً كم اطولون فيهن؟
من ساعتين الى 6 ساعات, بس اقل شي ساعتين و اذا كانت النقشة تفصيلية وايد و تغطي مناطق كبيرة من الجسم ممكن تاخذ 6 ساعات.
الاسعار في البداية ممكن تبدا من 600 درهم الى 3000 درهم. حنا ال600 تغطي اليد و الريول بشكل مبسط و حلو . حنا ال3000 درهم تكون مركزة اكثر في اليد و الريول و فيها تفاصيل و ديزاينات مختلفة.
يوم اتحنا و ينشف لو غسلت الحنا عادي؟ ولا لازم ما اغسل؟
للحصول على افضل نتيجة, المفروض ما تنغسل الحنا ل24 ساعة على الاقل. لكن في العادة عشان الوضوء و الصلاة الناس ممكن ما يقدرون يتريون 24 ساعة, فننصح ان الحنا يسوونها فالليل عشان يشلونها الصبح فيمر وقت اطول بدون ما تنغسل.
هل توفرون خدمات ثانيه غير الحنا؟
نحن بدينا في الحنا و لكن حالياً نوفر كل شي لان صواليننا متكاملة.
عندنا في الصالون غرفة للVIP و هذه تكون لاي زبونة تبغي غرفة خاصة تتمتع بالخصوصية فيها لما تستخدم خدمات الصالون من حنا او مكياج او غيره و تكون الاسعار بطبيعة الحال دبل السعر العادي. هذه بعض الصور الخاصة بغرفة الVIP الموجودة في فرع جميرا
شو العروض اللي تقدمونها للعروس؟
عندنا عروض خاصة للعروس يغطي الواكسن, فيشل, منيكور بديكور و اكثر و يكون السعر تقريباً 1000 درهم.
هذه بعض الصور لجوانب مختلفة من الصالون و الي تعطي انطباع عن طبيعة الصالون من الداخل سواء للمنيكور و البديكور و الفيشل و الحنا و غيره
عندنا ايضاً حمام مغربي و له برنامج خاص بواسطة خبيرة مغربية في الحمام المغربي. البرنامج ممكن ياخذ شهر او شهرين, عندنا مثلاً 5 جلسات يكون سعرها 1100 درهم. و ايضاً عندنا 5 جلسات مع اعشاب خاصة يكون سعرها 1700 درهم.
ايضاً هذه مجموعة من الصور للصالون في فرع راس الخيمة:
و هذه مجموعة اخرى لنفس الصالون:
شو عنوان الفرع الي في هذه الصور؟
هذا فرع جميرا في ام سقيم عقب محطة اينوك, و هذه صورة الصالون من برع: dog
و هذه واجهة الصالون لآخر فرع فتحناه و هو في امارة راس الخيمة:
و هذا موقع الصالون على الخريطة في دبي
Javascript is required to view this map.
إضافة تعليق جديد
- 39520 قراءة
- 18 تعليقا
- ارسل لصديق
التعليقات
انا حاليا في دبي بودي بنتي احبني ايدها بس إخفاق
ف يطول
مشاء الله
الصراحة حناهم روعة و خصوصا القصة غاوية و مرتبة و دوم يجددون ديزايناتهم و أنا اشهد ان أسلوبهم محترم و يضيفون الزبونة
أنا بروحي أحني بس اذا ممكن نريد نقشات ثانية
الحنا وااااااااااااايد روعة
والله كلامكم مية مية ولا فراخ الجمعية هههههههههه
الصور جديمه ولا تشجع احد يتحنى خلهم يغيرونها ......
انا سايرتله كمن مره ..الفرع الي في جميرا شغلهم ماعليه كلام حناهم حلو و سريعات بس الاسعار الصراحة وايد وايد مبالغ فيهاو ماعندهم شي اسمه مكاسر السعر فيكسد على قولتهم و عادة يغصبونج تختارين موديل من الموديلات المعروضة واذا طلبتي شي ثاني...يسونلج اياه بس تعالي شوفي التبويز في ويهج!
و اخر شي للي ناويه اتروح الصالون اذا عيبج شي من النقشات ..ترى السعر لليد الوحده مش الثنتين.
خواتي الاعزاء
ما انصحكم بصالون رشنا صراحه شغلهم مب نظيف ابدا انا اتحنيت من عندهم في ملجتي و خربوا ايديني انصحكم بصالون بثينه في مركز الحمريه
شغلهم نظيف
أحس لو تبدلون هالصور الجديمة أحسن لأن آنا لوفكرت أسير للصالون اذا شفت هالصور مابروم أروح لأن جديمة ومب حلوة وآنا أفكر أسير للصالون رشنا بس خايفة يطلع حناهم مو غاوي فأرجوعرض صور يديدة عشان اغير فكرتي عنه!!
السلام عليكم
انا حبيت اغير الصالون الي دوم اسير له لانه كئيب
و شفت صفحة رشنا هني و ماكنت اتوقع انه عندهم سوالف ثانيه غير الحنا
عادتاً الحجره اللي يسوون فيهاالحلاوه تكون كئيبه و ممله في باقي الصالونات
لكن عندهم في رشنا غير الحجره شرحه و نظيفه و مرتبه
واول ما سرت استقبلوني ثنتين فلبينيات
و خلصت من الحلاوه بسرعه لان وحده تسوي على جهة اليسار والثانيه يمين و تعاملهم وايد حلو و مكانهم مريح
وعقب سويت تريتمنت حق شعري لانه وايد يطيح و تعبان شعري
نصحتني الفلبينيه ان عندهم كريم اييبونه من الفلبين
وانه وايد حلو و زين حق شعري اسمه الوفيرا تريتمنت
وايد ارتحت منهم واكيد بزورهم مره ثانيه بإذن الله
صح حناهم حلو بس صراحة ما في اسلوب في التعامل و لسانهم طويل وايد و ما يحترمون حد .
[b]مبين عليه شغله حلو لكن ممكن اذا بالامكان تعرضون نقشات لصوالين في بوظبي ومشكورين
خويتكم REEEM_AD[/b]
السلام عليكم
انا احب الحنا كثير
واتمنى اني احني دوم
لكن ظروف الدراسه والعمل
يمنعني منذالك
غير اني انتهز الفرصة في الاعياد والمناسبات السعيده
:grin
hada a7la salon
تصاميمكم وايد حلوه
بصراحه حناهم وااايد غاوي حتى احلى عن الصور انا متحنيه عندهم يوم ملجتي :)
الصالون واايد حلو يبالنا زيااره
صالون سميره للحناء في منطقه مضب بالفجيره للاستفسار يرجي اتصال برقم 092244554/موبايل 0506808225ام حمد
إضافة تعليق جديد