اسم المستخدم
يباب.كوم في 
في أبوظبي: انطلاق معرض العبايات والجلابيات تاريخ 30 مايو 
مايكل كنكو هوت كوتور- MICHAEL CINCO Haute Couture
منو الشخص إلي ممكن أتواصل وياه
يمكن التواصل مع أي حد من الموظفين.
تنبيه: هذه الصفحة مخصصة فقط للحريم، لانها تحتوي على صور خاصة بهن.
من كم تبدأ اسعاركم؟
في العادة تبدأ اسعار فستاين السهرة من 10 ألاف درهم و فوق، طبعاً هذا يعتمد على كمية الشغل المطلوب و الاقمشة المستخدم.
بالنسبة لفساتين الاعراس نبدأ من 36 ألف درهم تقريباً و يكون فستان بسيط و مبهر، أما لفستان فخم و متألق وايد ممكن يوصل سعره الى 180 ألف درهم.
الاسعار تشمل القماش ولا بدون القماش؟
نعم تشمل القماش، و الاسعار تختلف بإختلاف الاقمشة المستخدمة.
عندكم ملابس جاهزه للبيع ولا بس تصميم؟
نحن في كل سنة دايماً نسوي تشكيلات متنوعة لكل المواسم للربيع و الصيف و الخريف و الشتا. اذا في عروس تبا فستان جاهز ممكن نراويها الي عندنا، و لكن أغلب الزباين يفضلون انهم يفصلون فستان يناسبهم و يناسب ذوقهم بحيث انهم يختارون اي تصميم يبونه.
عندكم ملابس للايجار؟
نحن ما نصمم ملابس للايجار, و لكن انا اتعامل مع تاجرات مواطنات عندهم فساتين من عندنا و يأجرونها.
في العادة هم يتعاملون ويا العرايس الي ميزانيتهم ما تسمح انهم يدفعون المبلغ كله بحيث ان التاجرة تدفع نص المبلغ و العروس تدفع النص الثاني عشان تفصل الفستان و تلبسه أول لبسة في ليلة العرس و بعدها ترجع الفستان للتاجرة الي تأجره بعدين على غيرها.
يستوي انكم اتفصلون لي فستان على أساس اني أأجره منكم وعقب العرس أرده؟
مثل ما قلت انا ما أقدم هذه الخدمة و لكن اتعامل ويا ناس يسوونها مثل ريم الحوسني، و اذا في وحدة حابة تستخدم هالطريقة ممكن نرتب الموضوع.
بس انا شخصياً ما احبذ هذا الشي لان فستان العرس يعتبر كنز لكل عروس, و لكن هذه الايام اغلب العرايس يتجهون لهذا الشي عشان تكون الميزانية عملية.
كم ياخذ وقت تصميم الفستان؟
انا في العادة اخذ موعد ويا الزبونة و من خلال أول موعد اسألها عن الستايل الي تحبه و عن الافكار الي في بالها او الحركات الي تحب يشملها التصميم. بعدين احاول ادرس شخصيتها و ذوقها و هني اقدر اسوي لها فستان يبهرها!
دايماً اتأكد ان تصاميمي تكون الافضل لها و فالعادة اسوي بعض الابحاث عشان اتأكد من هذه النقطة، و دايماً اطلب من الزبونة انها ترجع بعد 4 او 7 ايام عشان اراويها التصميم النهائي، و هذا بعد يعتمد على مزاجي لان التصميم الحلو يباله مزاج رايق.
كم تاخذون وقت لين ما تنتهي خياطة الفستان؟
يعتمد على التصميم، اذا اختارت العروس تصميم معقد و وايد فيه تفاصيل ممكن ياخذ الشغل شهرين الى 3 شهور و اذا كان التصميم بسيط ممكن ياخذ وقت اقل.
خلال الفترة الزمنية هذه ممكن العروس تسوي 5 بروفات او تجربة للفستان عشان نتأكد ان القياسات و التفاصيل كلها سليمة.
ستايل المصمم شرقي ولا موديرن ولا كيف؟
تصاميمي دايماً كلاسيكية و فريدة و دايماً اتأكد من انها تظهر بشكل عصري و انها ما تعتمد على وقت او فترة زمنية معينة. اعتمد في تصاميمي في العادة على دمج الثقافة و العادات الشرقية مع لمسات و تأثيرات غربية.
هذه الصور الجديدة الخاصة بفساتين العرايس والبعض من فساتين السهرة:
هل في مصممين غيرك في جايسي كاي؟ و شو نوعية التصاميم الي يوفرونها؟
عندي 2 من أفضل و اكثر المساعدين ابداعاً في التصميم. المصمم الي يتعامل مع فساتين السهرات اسمه ايزاك، و المصمم المتخصص بالتطريز اسمه فرانك.
طاقم عمل جايسي كاي كلهم متعاونين في كل شي و نحن نشتغل كفريق واحد عشان ننتج و نصمم تحفة تفتخر فيها كل عروس.
كم العربون اللي لازم ادفعه؟
العربون يكون 50% وقت الاتفاق على التصميم و الباقي نستلمه بعد ما تستلم العروس الفستان.
هل اطرشون موظفينكم ليلة العرس عشان يعدلون الفستان؟
نعم نوفر هذه الخدمة مقابل مبلغ اضافي. انا دايماً اهتم بالتفاصيل و اتأكد ان الشغل يكون مضبوط 100% عشان العروس تظهر في عرسها بشكل متألق. دايماً اقترح على العروس انها تاخذ معاها الموظفات الي يشتغلون وياي عشان يساعدونها في تجهيز الفستان ليلة العرس.
فالعادة العروس بتحتاج 2 يساعدونها عشان يعدلون الفستان. ناخذ 500 درهم عن كل موظفة و اذا كان العرس خارج دبي ناخذ 1,000 درهم عن كل موظفة.
تفصلون جلابيات؟
حالياً لا لأن عندنا وايد طلبات لفساتين الاعراس و انا اركز عليهم و على فساتين السهرات. لكن عندي خطط مستقبلية اني ابدا اصمم عبي.
تفصلون مثلاً بدلات او قمصان النوم؟
لا ما نفصل بدلات او قمصان نوم, مركزين على فساتين العرس و السهرات فقط.
وين مكانكم بالضبط على الخريطة؟
مكاننا على الخريطة موجود في الرابط التالي:
Javascript is required to view this map.
إضافة تعليق جديد
- 98150 قراءة
- 23 تعليقا
- ارسل لصديق
التعليقات
روعه
جميله جداااااااااااااااااااااا
مافهمت اسعار فساتين العرايس تبدا من 10 الاف والا فساتين السهره
ياليت تفيدوني
مرحبا اخت منى
اسعار فساتين السعرة تبدأ من ١٠ الاف و فساتين العرايس تبدا من ٣٦ الف.
شكراً
ياليتج تأجرين والله فساتيينج روعه رووعه بمعنى الكلمه خيال خبال حبيتها والله :( عسب جيه لفتتني فساتين ريم الحوسني ثرها منج .. ما شاء الله عليج :(
وايد حلوووووو
اتاجرون فساتين عروس عرض اول
تصاميم روعة وموقع مفيد
روووووووووووووووووووووووعه
قمة الفخامة ...
بصراحه روعه
عقبال اخذ فستان عرسي من عندكم
رووووووووووووووعه :)
:grin :grin ;) ;) 8) 8) :p :p :roll :roll :eek :eek :upset :upset :zzz :zzz :cry :cry
شيئ رائع ما شفت زيه قبلا
جميل
روووووووووووعه
:) الصراحة الموقع وااااايد حلو رووعة وخدمتة واايد سريع :)
السلام عليكم أولا اهني بافتتاح موقع يباب كوم المذهل بصراحه يعطيكم الف عافيه ممكن أجوف صور فساتين زياده لمحل مايكل وسلامتكم
فعلا التصاميم روعة وما عليهن كلام بس الاسعار خيالية
ممكن اعرف عناوين المواطنات الي تتعاملون معاهم ؟؟
التصاميمم روووعه بس الاسعارتوووووووووووووو متج :upset
:roll :grin lموقعكم رهيب وتصاميمكم اروع
أهنيكم على موقعكم الجديد وأتنى لكم المزيد من التقدم والإزدهار, وموديلات مايكل ماعليهن كلام :zzz
Do you know some ladies selling or rentinf used designer dresses
صور الفساتين مب واضحة
إضافة تعليق جديد