زيارات : 45284  |
اسم اللي بتتعاملين معاها؟ مريم
طريقة التواصل؟ ومتى أقدر اتصل؟ أحسن طريقة للتواصل ويانا بتكون عن طريق الايميل، ممكن تطرشين السؤال (إذا شي مب مذكور على صفحة يباب أو على موقعنا) على هذا العنوان:
هذا البريد محمى من المتطفلين , تحتاج إلى تشغيل الجافا سكريبت لمشاهدته
أو ممكن تعبين الاستمارة على صفحتنا و بنرد بأسرع وقت ممكن.
نبذة عن نتوف : نتوف عبارة عن " مواهب إماراتية " استخدمت مهاراتها ومواهبها في التصميم لتظهر تصاميمها بأبهى صورة .. استديو نتوف يلبي الاحتياجات الشخصية والعملية .. سواء كان بطاقات الأعرس أو خدمات التصميم ... استديو نتوف يحرص ان يخلي كل حد يطلع من عندنا مستانس عن الشغل اللي سويناه له ويفتخر به.
عنوان الموقع الإلكتروني الموقع: www.natoof.ae الايميل:
هذا البريد محمى من المتطفلين , تحتاج إلى تشغيل الجافا سكريبت لمشاهدته
عندكم محل؟ حالياً ما عندنا محل ، نعرض خدماتنا وتصاميمنا من خلال محلنا الإلكتروني وهو موقعنا على صفحات الانترنت. بإمكانا نتلاقى في كوفي شوب في دبي اذا مستعدة اتسوين عندنا. ممكن نحدد توقيت محدد او مكان معين و نتلاقى ونعرض عليج البطايق ع الطبيعة. عندكم كتلوج اروم اختار منه؟ التصاميم كلها معروضة في هاي الصفحة وعلى موقعنا، وبإمكانكم تختارون اللي تبونه، اذا حبيتي ممكن اتشوفين كل البطايق المعروضة ع الطبيعة إذا مستعدة اتسوين التصميم ويانا. عندنا حالياً مجموعة تتكون من 41 تصميم لبطاقات مختلفة, كل صورة عليها اسمها و رقمها من 1 الى 41 في اعلى الصورة.
هذه الصور تعطي فكرة عن البطاقات الي سويناها:
كيف اقدر استفسر عن الأسعار و المواصفات؟ ممكن تتواصلين ويانا بالأسئلة و الاستفسارات عن طريق بريدنا الالكتروني
هذا البريد محمى من المتطفلين , تحتاج إلى تشغيل الجافا سكريبت لمشاهدته
و كيف طريقة تسعيركم للبطايق؟ انسعر على حسب الكمية اللي بتطبعينها وطبيعة التصميم اللي تختارينه (300، 400، 500 ... الخ) ، يعني ما انسعر للحبة الوحدة.
وسعر الطباعة يعتمد على الحجم، وعدد الألوان، والكمية، وإبراز النقش على البطاقة والظرف. تصممون لي حسب التصميم اللي في بالي وعلى حسب ميزانيتي؟ تسوون لي سامبل قبل؟ بامكانج تعطينا فكرتج ، أو على حسب ثيم الكوشة نقدر انسويلج البطاقة ، وعشان نبتدي بالتصميم نحتاج عربون ..
وعلى الأقل ميزانيتج لازم تكون في حدود 5 آلاف درهم (لـ 300 بطاقة).
بعد ما نخلص التصميم، نطرشلج الشكل على بريدج الإلكتروني للمراجعة والموافقة. اذا شفت بطاقة عندكم وعيبتني اقدر اغير الوانها؟ أكيد تقدرين ، انسويلج على حسب ألوان الكوشة أو على حسب الألوان اللي انتي حابتنها. شو جودة البطايق؟ البطايق تنطبع في مطابع بروفيشنال وممتازة ، وجودة أوراق البطايق وايد ممتازة. وشاركنا في معرض العروس 2008 والحمدلله الكل شهد على جودة الأوراق والجهد المبذول على إظهار البطايق بأروع صورة وأروع جودة ، وبعد نشروا عنا الجرايد والمجلات و بتحصلون المقالات في جريدة البيان و في مقالة ثانية بعد هنيه. متى لازم اقدم طلبي؟ قبل العرس بشهـر ونص أو شهر ع الأقل ( للبطايق الورقية ) أما ( بطايق الخشب )، نحتاج على الأقل شهرين.
وعلى فكرة يفضل إنج دوم تطلبين 50 أو 100 بطاقة زيادة على العدد المطلوب لأنج إذا طلبتي زيادة عقب (يعني بعد طباعة البطاقات) الطباعة بتاخذ نفس المدة 10 أيام والسعر عادة يكون في نفس حدود السعر الأولي.
في حد معين للعدد البطاقات الي أقدر أطلبها؟
أقل عدد ممكن هو 300 بطاقة. كم تاخذون وقت لين ما تخلصون كل هالاجراءات؟ لتغيير الألوان واضافة اشعار او اضافة اشيا ثانيه في البطاقة يباله من 5 أيام لــ أسبوعين .. نراويج وعقب توافقين ع الألوان والكلام اللي في البطاقة ، الطباعة تاخذ 10 أيام. كم العربون؟ و متى لازم ادفعه؟ ومتى ادفع الباقي؟ العربون عبارة عن نص المبلغ الاجمالي ، ولازم تدفعينه أول ما تقدمين طلبج لنا .. والباقي تدفعينه يوم نبتدي في الطباعة. عندكم خدمات ثانيه غير البطاقات؟ عندنا خدمات تصميم شخصية وعملية مثل : ( مواقع ، تصميم الشعارات ، هوية الشركات ، تصميم كتيبات وملصقات ) ... كل شي يخص الغرافيك ديزاين.
|
كروت العرس 
(0 تصويت)
.
بواسطة: نوره (زائرة) في 07-06-2010 08:14