اسم المستخدم
يباب.كوم في 
في أبوظبي: انطلاق معرض العبايات والجلابيات تاريخ 30 مايو 
آيس لشراء شنط الماركات
رقم التليفون
الموبايل هو 0509926668, الفاكس هو 065396855 
العنوان
انا اروح للناس فالعادة او اننا نتلاقى في مكان معين مثل المراكز التجارية
منو الشخص إلي ممكن أتواصل وياه
آيس
وين مكانكم؟
انا اروح للناس فالعادة او اننا نتلاقى في مكان معين مثل المراكز التجارية
ممكن تعطينا نبذة عن العمل من خلال يباب.كوم؟
نحن عندنا تجارة بيع شنط الماركات العالمية المستعملة في بلدان مختلفة من شرق اسيا مثل هونغ كونغ و الصين. نحن نشتري هذه الشنط من بلدان مثل الامارات و نبيعها في هونغ كونغ لان هناك في اقبال على الشنط الماركات الاصلية و الي تكون حالتها المستعملة جيدة.
لأن العروس تبدأ حياة يديدة و تبدأ بشراء اغراض يديدة لها, فأكيد بيكون عندها مجموعة من الشنط المستعملة و الي تحب انها تبيعهم عشان تستفيد من الفلوس في اشيا ثانية, و نحن نقوم بشراء هذه الشنط لان عندنا ناس نبيع لهم في مناطق ثانية من العالم.
شو انواع الشنط الي تشترونها؟
بشكل عام نشتري من لويس فيتون Louis Vuitton, هرمس Hermès, شانيل Chanel, ديور Dior, فندي Fendi, كلوي Chloé, جوتشي Gucci و غيرهم.
نركز بشكل خاص على لويس فيتون و شانل لان عليها اقبال اكثر في الشراء في هونغ كونغ و الصين.
كيف تقيمون سعر الشنطة؟
اول شي نشوف اذا الشنطة أصلية ولا لا, لان نحن ما ناخذ الا الاصلي.
ثاني شي نشوف اي ماركة, لان في ماركات مثل لويس فيتون و شانيل ما يعطون عليها خصومات ابداً و اسعارهم ثابتة و ماركات ثانية مثل فندي, ديور و جوتشي يسوون تخفيضات عليها فممكن الوحدة تحصل هالشنط بسعر مختلف عن المتوفر اغلب الاحيان.
ثالث شي نشوف الديزاين و التصميم الخاص بالشنطة و هل هو جديم ولا يديد, و حالتها هل هي مستعملة وايد و لا شوي
الشي الاخير هو اننا نشوف السعر الاصلي للشنطة و على هذا الاساس ممكن نعطي سعر لشراء الشنطة.
هل في حالات ما تشترين فيها الشنط؟
هيه مرات تستوي, خصوصاً لما يكون السعر المطلوب مرتفع فما اقدر اعيد بيعها مرة ثانية. مرات الشنط تكون مب اصلية بدون علم صاحبة الشنطة و في هذه الحالة ما نشتري الشنطة بعد. احياناً اذا التصاميم او الديزاينات مب مرغوبة ما نشتري شي و لكن هذه حالات نادرة, لان في الصين و هونغ كونغ عندنا شريحة كبيرة من المستهلكين, نحصّل الي يبغي يشتري الشي الرخيص حتى لو كان مستعمل وايد و الي يبغي يشتري الشي الي مستعمل شوي و سعره مناسب. فممكن نشتري اشيا جديمة عادي.
ممكن يتم ارسال صورة الشنط بالايميل عشان اشوفها قبل و احكم على حالتها و سعرها و اعطيكم سعر الشراء المناسب بدل ما نتقابل من اول مرة. من الافضل لو تكتبون المعلومات في الايميل بالانجليزي من موقع يباب.كوم لاني ما افهم عربي.
الاسعار تبدا من كم؟
السعر يعتمد مثل ما قلت على اشيا كثيرة مثل التصميم و حداثة الشنطة و اذا كان كولكشن يديد و غيره فما قدر اعطي سعر معين لان ممكن تختلف الاسعار على حسب المعايير المذكورة.
لكن كمثال بس عشان القارئة تكون في الصورة, اذا شنطة من لويس فيتون او شانيل و حالتها زينة و السعر الاصلي للشنطة مثلاً 10,000 درهم, ممكن نشتري الشنطة بسعر يتراوح من 1000 الى 3000 درهم على حسب المعايير الي نشوفها.
الشنط من ماركات ثانية ممكن يكون سعر الشراء مختلف شوي لان مرات المحلات تسوي تخفيضات توصل الى 50% من السعر الاصلي فما أقدر أشتري بسعر مرتفع!
يعني كمثال, شنطة جوتشي حالتها جديدة نوعاً ما و يعتمد على التصميم و الشكل و السعر الاصلي مثلاً 3000 درهم, ممكن اشتريها بسعر يتراوح من 400 الى 800 درهم
كيف طريقة الدفع؟
نحن ندفع كاش في العادة. و لكن احياناً يكون في عدد كبير من الشنط للبيع و ما يكون المبلغ الكامل جاهز, فنعطي شيك ايضاً مع الكاش.
هل تشترون عدد معين من الشنط ولا اي كمية؟
ما يمنع انّا نشتري كل الشنط الموجودة اذا كانت متوافقة مع المعايير الي نشوفها. حتى لو كانت 100 شنطة او 200 شنطة ما في مشكلة. مرات لما نشتري الشنط نرد نحملّهم بسيارات بك اب من كثرهم!
هل تشتغلون في دبي مثلاً و لا كل الامارات؟
نروح لكل الامارات ما في مشكلة و لكننا مركزين على دبي و الشارجة بشكل عام لاننا موجودين في نفس المنطقة. ماعندنا مشكلة اننا نروح لمختلف المدن مثل ابوظبي و العين و غيرهم خصوصاً اذا كانت الكميات كبيرة.
لكن الافضل للطرفين ان اذا في امكانية ارسال صورة للشنطة بالايميل عشان اشوفها و ممكن نتفاهم على السعر و بعدين يا نحن نسير لصاحبة الشنطة او نستخدم شركات التوصيل مثل ارمكس لتوصيل الشنط و تسليم المبلغ.
هل تبيعون شنط في الامارات؟
لا نحن بس نشتري الشنط من الامارات و نبيعها برع, نحاول ما نخلط الامور فمركزين بس على الشراء من الامارات و نبيع في الصين و هونغ كونغ.
الشي الوحيد الي نبيعه في الامارات هي ماركة هرمس, و السبب هو ان هذه الماركة عليها قائمة انتظار طويلة توصل الى سنة و أكثر. نحن نبيع الشنط المستعملة الي حالتهم جيدة من هرمس بجميع الالوان.
هل تشترون اشيا غير الشنط؟
نعم نشتري الاكسسوارات الخاصة بشانيل, ديور, لويس فيتون. بعد نشتري المحافظ و الحلقان و السلاسل. أول شي لازم اشوف البضاعة و ان شاء الله ما يصير خاطركم الا طيب
إضافة تعليق جديد
- 24879 قراءة
- 26 تعليقا
- ارسل لصديق
التعليقات
لو تحطون الأسعار ع الصور يكون أفضل ..
السلام عليكم ..اختي لو سمحتي ابا شنطة هرمس اول وحده على كم بحصلها ؟؟
بغيت أشتري LV
وانا من الكويت
بتوفيق
انا عندي شنطه هرمس من قطر والله بحاله جيه مع اغراضها كامله من ضمان ومن كيس هرمز والكيس الثماش الحافظ لها
مرحبا الغاليه ..
شخبارج .. ياربج بخير ..
فديتج ادور شنطة هيرمز .. اذا عندج ممكن اشوفها ...
أنا اشتريت جنطة جفنشي من كم يوم للعيد،بس عقب طلعت من خاطري
اشتريتها ب ٢٥٠٠ درهم،وما استعملتها ابدا،فيه مجال تشترونها وبكم؟؟
عندي شنطتين شانيل وحده جلد استخدام مره وحده حجمهااا كبير سبب عدم الرغبه فيهااا
مرحبا الأصايل, يرجى التواصل مع أيس بشكل مباشر للتفاهم في بيع الشنط.
Please contact Ice directly to check about selling the bags
هلا الصراحه انا تعاملت معها تعامله حلو خذت مني 10 شنط كلهن ماركات شي يديد وجديم دفعت لي كاش والباقي شيك الصراحه التعامل مها حلو الوحد ه تستفيد من شنطها القديمه بفلوسهن تقدر تشتري شي يديد
سلام عليكم
وايد مهتمة بالموضوع بس ابي اعرف الاخت ايس بليز
salam alikoum
please i m from algeria and i need to bay a hand bag Gucci how i can have it please
السلام عليكم أخت نوال،،
تقدم آيس خدماتها فقط داخل دولة الأمارات العربية المتحدة
مع خالص الشكر :)
ابي شنطة هرمس السوده الكبيرة بجم السعر تكفه بليز
يمكنكي أختي الكريمة التواصل مع آيس على الرقم الموجود أعلاه 00971509926668
السلام عليكم
مشكورين و موضوعكم عجبني واااااايد و هل اقدر اشتري منكم انا من الكويت و حابة تردون علي و ياريت يكون في صور للجنط أذا امكن :zzz
السلام عليكم ،،
تقدم آيس خدماتها فقط داخل دولة الأمارات العربية المتحدة
انا اشوف انها تاخذ جنطه بقيمه 10الاف بالف بس حرام غميضه اعطيهم لحد او ابادلهم ابرك هي بتبيعه ب7الاف او 8 حسب ماعرفت فالسعر اللي تشتريه عنا وايد قليل
الفكره حلوه وايد بس الاسعار يبالها تعديل
ممكن تتشترون الشنط من السعوديه
؟
عندي شنطة ماركة ايميليو بوتشي وطبعا هالماركه غنيه عن التعريف
بحاله ممتازه جدا
استعمال مرات معدوده فقط لايتجاوز 7 مرات
السلام عليكم أخت نوال،،
تقدم آيس خدماتها فقط داخل دولة الأمارات العربية المتحدة
عجبني موضوعكم وعجبتني فكرتكم وااااااااااااااااااايد
آنا من خارج الإمارات يعني آنا من الكويت ممكن أشتر شنطه؟
بليييييييييييييييييييز بناتي يحنون علي يبون جناط ماركه وآنا ما عندي القدره الماديه لشراء الجديده وخصوصا عندي بنتي بسرعه تمل من كل شي
بلييييييييييييييييييييييز ساعدوني
وشككككككككككككرررررررررررررررررررررررااااااا :)
:zzz
صراحه فكره وايد حلوه وفي كل الحالات ما بنكون خسرانين وهاي الفكره وايد منتشره في امريكا وعليها اقبال
فكره مررررره حلوه
انا طلبتها و يت بيتنا
و عرضت عليها مجموعة شنط
و اشترت مني كم وحده الصراحه ماتوقعت انها بتشتريهم...لانهم ما كانوا يداد مول.... اشترت مني شنطتين وحده ال في و الثانيه دي اند جي و محفظة قوتشي... بـ 1100 درهم...
و حتى وحده من اهلي طلبتها و خذت منها مجموعة شنط بـ 7000 درهم
انا اشوف انها وايد تفيدنا لان يكون عندنا وايد شنط و مانستخدمها و ينعقون عالفاضي...
(^_^)
...
الاخت الحلوة.
مثل ما تعرفين مذكور في الصفحة شو الاشيا الي تأثر في سعر الشنطة و ال1000 درهم كسعر مبدئي هي لماركات معينة غير عن الثانية. خصوصاً الماركات الي تعطي خصومات موسمية سعرها لما تنباع مرة ثانية يكون منخفض مثل ما مذكور في الصفحة.
الشي الثاني ان لان هي تبيع الشنط في الصين, فممكن في ماركات تمشي عندنا بس ما تمشي في الصين فما تروم تشتريهن بسعر عالي عشانها ما بتروم تبيعهن مرة ثانية بسعر مناسب.
موفقة الغالية
أنا للأسف اتصلت فيها وعندي شنطة مش قديمة وااايد وزينات - بس للأسف ما رضت تشتري قالت لا اذا بتبيعن لي كل وحده بـ 500 درهم
حرام كلهم موديلات 2008 ومع كل شي
مع انه فالموقع كاتبين انه تشتري من 1000 لين 3000
ما اعرف المنتديات تيب لي أكثر سعر :x :x
السلام عليكم،،،
حبيت اخبركم اني جربت التعامل مع آيس، والصراحة اشترت مني شنطي الماركة اللي استعملتها وحتى الجديمة وااااايد واللي ما اتوقعت انها حتى تاخذهم. اترحت وااايد في التعامل معاها. هي يتني البيت وعاينت كل شنطي، حتى حطيتلها بعض الاكسسوارات والمحافظ. انصحكم يا بنات انكم تتعاملون معاها بدل ما الشنط طايحة. هالبيزات انا استفدت منهم وسرت اشتريتلي شنطة ثانية خاصة انه الحين موسم تنزيلات في معظم المحلاتّ! يعني اتلاحقوا!
إضافة تعليق جديد