اسم المستخدم
يباب.كوم في 
في أبوظبي: انطلاق معرض العبايات والجلابيات تاريخ 30 مايو 
ازرا لتصميم الازياء - Ezra Fashion Design
رقم التليفون
التلفون: 043955385
العنوان
دبي، شارع الوصل، جميرا الثالثة، فيلا رقم 746 بعد (بارك اند شوب).
منو الشخص إلي ممكن أتواصل وياه
يمكن التواصل مع أي حد من الموظفين.
منو الشخص إلي ممكن أتواصل معاه؟
يمكن التواصل مع أي حد من الموظفين.
الموقع: www.ezrafashiondesign.com
وين مكانكم ؟
دبي، شارع الوصل، جميرا الثالثة، فيلا رقم 746 بعد (بارك اند شوب).
تنبيه: هذه الصفحة مخصصة فقط للحريم, لانها تحتوي على صور خاصة بهن.
منو الشخص الي ممكن اتواصل وياه ؟
المصمم ازرا
من كم تبدأ اسعاركم؟
يعتمد على وايد اشيا مثل فكرة الفستان و احتياجاته من الاقمشة و الكرستالات و غيره, لكن فالعادة فستان العرس يبدأ من 30 الف درهم.
أغلى فستان سويناه وصل سعره تقريباً 80 ألف درهم لان الاقمشة كانت غالية وايد و تفاصيل الفستان كانت معقدة. يعني مثلاً اضطرينا نصنع ورود من الاقمشة عشان نحطها في الفستان و طبعاً شكل الورود كأنها حقيقية 100%.
الاسعار تشمل القماش ولا بدون القماش؟
نعم تشمل القماش.
لكن طبعاً في طلبات تحتاج امور اضافية و كرستالات بأعداد كبيرة و كل شي له سعره. نحن نوفر للعروس كل شي و المبلغ الي بتدفعه بيشمل كل شي يتطلبه فستانها.
عندكم ملابس جاهزه للبيع ولا بس تصميم؟
لا نحن بس نركز على تفصيل الفستان حسب رغبة الزبونة و ما نوفر فساتين جاهزة.
عندكم ملابس للايجار؟
لا للأسف نحن بس نركز على التفصيل.
يستوي انكم اتفصلولي فستان حقي على أساس اني أأجره منكم وعقب العرس أرده؟
نحن نتعامل مع اكثر من تاجرة مواطنة عندهن هذه الخدمة و ممكن نعطي ارقامهن للي يطلب.
هم في العادة يتعاملون ويا العرايس الي ميزانيتهم ما تسمح انهم يدفعون المبلغ كله بحيث ان التاجرة تدفع نص المبلغ و العروس تدفع النص الثاني عشان تلبس الفستان في ليلة العرس و بعدين ترجع الفستان للتاجرة الي ممكن تأجره بعدين على غيرها.
كم ياخذ وقت تصميم الفستان؟
يعتمد على التصميم و احتياجات الفستان و لكن في العادة تاخذ فترة التصميم من اسبوع الى اسبوعين.
نجتمع اول مرة و نسمع افكار العروس و شو تصوراتها عن الفستان و بعدين نجتمع مرة ثانية و نراويها 5 تصاميم على حسب ذوقها و تصوراتها.
بعد ما تختار التصميم الي يعيبها نخليها تختار الكرستالات و القماش و نتفق على السعر و ناخذ قياساتها. بعدها نجتمع مرة ثالثة عشان نستلم اول دفعة, الا اذا كانت جاهزة للدفعة في الاجتماع الثاني.
كم ياخذ وقت خياطة الفستان؟
يعتمد على تفاصيل الفستان و ضغط الشغل, فالعادة الخياطة تاخذ من 3 شهور الى 6 شهور. نحن بس نستقبل الطلبات الي باقي على العرس على الاقل 3 شهور.
ستايل المصمم شرقي ولا موديرن ولا كيف؟
ما عندنا ستايل معين و نصمم اي شي تبغيه العروس. نحن نقترح عليها بعض الستايلات و لكن في النهاية هي الي تختار و نحن ننفذ حسب رغبتها.
هذه بعض الصور الجديدة من فساتين العرايس:
و أيضاً هذه صور من تصاميمنا لفساتين العرايس:
ممكن اشوف صور لبعض الفساتين عشان آخذ فكرة؟
طبعاً، هذه مجموعة صور لفساتين الاعراس:
و هذه مجموعة ثانية:
كم عدد المصممين في ازرا؟
ازرا هو المصمم الرئيسي و في غيره 4 مصممين مساعدين بالاضافة الى مصمم متخصص في التطريز.
كيف طريقة الدفع و كم العربون اللي لازم ادفعه؟
العربون يكون 50% وقت الاتفاق على التصميم و الدفع يكون كاش او كردت كارد او شيك.
باقي المبلغ يندفع بعد تسليم الفستان للعروس و يكون كاش او كردت كارد.
هل اطرشون موظفينكم ليلة العرس عشان يعدلون الفستان؟
نعم, نطرش موظفتين يعدلون الفستان و يكوونه و يساعدون العروس وقت التجهيز من الساعة 7 المسا لين ما تدخل العروس القاعة و تيلس.
داخل دبي التكلفة تكون 600 درهم و الفلوس تروح للموظفات على شغلهن. السعر يعتمد على مكان العرس اذا كان في بوظبي المبلغ يكون 1500 درهم و اذا كان في الشارجة ب1000 درهم.
تفصلون جلابيات و فساتين الحنة؟
ما نسوي جلابيات بس نسوي فساتين الحنة و الخطوبة و الحفلات. فستان الحنة و الخطوبة يبدأ سعرهم من 15 الف درهم شامل القماش و المواد, و فستان الحفلات ممكن يبدأ من 7 الاف درهم لان اغلب الزباين يوفرون القماش من عندهم.
عشان نعطي فكرة أوضح عن التصاميم, هذه بعض الصور لفساتين سويناها من فترة:
تفصلون بدلات؟
لا ما نفصّل بدلات بس ممكن ندليكم على كم محل اشغالهم حلوة
عندكم مكان مناسب للبروفا؟
طبعاً، عندنا أكثر من غرفة لتجربة الفستان و هذه كم صورة تبين طبيعة غرف القياس:
وين مكانكم بالضبط على الخريطة؟
Javascript is required to view this map.
إضافة تعليق جديد
- 90013 قراءة
- 31 تعليقا
- ارسل لصديق
التعليقات
السلاام عليكم
حبيت اسأل اول تصميم ع اليسار اللي بيج وفيه شغا زخرفه ابيض للعروس من تصميمكم ولا عارضينه
عساس تقدرون تخيطون نفسه ؟؟؟؟؟
بصراحة روووووووووووووعة شوي عليكم اول مرة اشوف موديلات جي !!!
انا دخلت الموقع مالكم ولقيت وحدة واقفة على ينب لابسة فستان اوف وايت وفيه لولو ع الاطراف ممكن اعرف كم سعره هو من كوليكشن 2009
ارجو الرد سريعا ماعليكم امر
اختكم ظبيانيه غير
lمرحبا اعجبتني تصاميمكم جدا أود ان استفسر غن المديل رقم4 للزفاف سعرة بالتفصيل والسعر بالأيجار والسعر للبيع الجاء الرد بأسرع وقت أنا عروس من الكويت وابي اعرف الأسعر علشان ماعندي وقت وشكرا
بصراحه روعه
وربي يعطيج العافيه
عقبالي عرسي ان شاء الله
انا من الكويت وايد عجبتني التصاميم والافكار واتنمنى افصل حق بناتي عندهم
روووووعة
السلام عليكم
نحن شركة متخصصة بإنتاج فساتين الزفاف البناتية والنسائية الراقية حيث يوجد لدينامعمل قائم في سوريا ونحن على استعداد لتقبل الطلبات سواء المنفذة من قبلكم أو الخاصة بنا
تأسست الشركة عام 1993 وتضم كادر من الصناعيين والفنيين المهرة وتعتمد في تصاميمها على الموديلات المستهلكة في الشرق الأوسط والسوق الأوروبي
كمانعلمكم انه تم تنزيل احدث الموديلات لعام 2010 لفساتين السهرة والأفراح للأطفال
من عمر2 سنة-------12 سنة على موقعنا www.hebamoda.com
وفساتين الأعراس النسائي على الموقع www.alhalabyfashion.com
للاتصال أمين00963932909977
amen.fashion@hotmail.com
مع تحيات إدارة هبة مودا وشركة الحلبي للعرائس
اناابغا اشتري فستان منكم ياريت يعني اذا اقدر اتواصل معاكم ضروووووووري بليززز
:grin
بصراحة ممتاز والشغل روعة بس غالي شوي
طيب والي يبغى يصمم منكم والـزوآج في السعوديه كيف ؟ :cry
اهلا و سهلاً بأهل السعودية
طبيعة تفصيل فستان العروس يتطلب وجودها و ذهابها الى المحل لاخذ رايها و ذوقها و تجربة الفستان و غيرها من التفاصيل المذكورة في الصفحة. و هذا يتطلب وجودها بين فترة و ثانية في المحل.
موفقة ان شاء الله
ماشاء الله
ممكن نعرف اسعار الفساتين السهره على من تبدا 8)
حلوه مره بس ما فيه فساتين هاديه بعد :roll
بصراحه... شغل راقـــــــــي جدا..ذوق وفن ودلع في التصميم..قريب بنزوركم..
حلو
يزاكم الله الف خير :) :)
السلام كليكم
أنامن محبين الازياء الاني أرسم أزيا من خيالي
وعندي الكثير من الرسومات يلي أرسمها
بس ماأحصل أحد أيشجعني على الموهبه يلي عندي
الله يعطيكم العافيه :cry
نايس :)
الفساتين حلوه بس ليش مب حاطين ديزينات الطرح؟؟ :)
انا سبق واني تعاملت ويا ازرا في فستان عرسي
وكان الحمدلله حلو وبالذوق إلي كنت أبغيه
والمصمم ازرا وايد متفهم ويعرف الفكره إلي تبينها
وإلي تاخذ عنده المقاسات فناااانه وتضبط القياس عدل
بس هو يبدأ اسعاره من 25 ألف مب 30 على حسب تجربتي وياه
وفصلت الفستان بـ30 ألف
ووحده من الأهل فصلت بنفس الفتره بـ25 ألف
وان شاء الله بفصل عنده فستان سهره جريب
صراحه فساتينكم دوم مميزة وروعه
أفضل مصمم عندي على الإطلاق..
يعجبني شغله واااااااايد
وايد حلو
وش جنسية المصمم
ربي يوفقكم
جنسية المصمم فلبيني
:)
هلا
عملكم فووووق الرائع انبهرت بكم امانة ......... خاصة بعد ما شفت فستان بنت عمي ........ بس بغيت اسالكم تقدروا ترسموا لي بعض التصاميم فقط ....... وكم يكلف؟
ابصراحه الفساتين ما عليها كلام .. وموفقين ان شالله .
السلام عليكن يا اخواتي :grin انا مقبله على الزواج وحبيت اني اشوف اكم فستان , انا من فلسطين , واعجبوني كلهن بس بفضل انو يكون فستان العروس اكتر ملان خرز وحجاره لامعه
تسلم راعية الموضع على هالمجهود الرائع ,,,
الصراحه كفيتي و وفيتي .....
وربي يعطيج العافيه .....
الشغل الصراحه وايد حلو وراقي ..
والكل يمدحه و المحل غني التعريف ..
ازرا فنااان ... خياطته نظيفة وراقية..تعجبني افكاره..
^,^
:) انا افصل فستان ملجتي عنده
وللحين ماخلصته .. ما ادري كيف بيكون شكله
الله يستر لاني اول مره اتعامل ويا ازرا
بس ان شالله يكون حلو
لان تعامل العاملين هناك ويايه وايد اوكيه
حتى ازرا وايد راقي باسلوبه ^^ :roll
إن شاء الله بيطلع وايد حلو الله يسعدك
إضافة تعليق جديد