دار كحل لتأجير الفساتين - Dar Ke7l Dress Renting

ارسل رسالة إلى دار كحل لتأجير الفساتين - Dar Ke7l Dress Renting

‏‏حروف التأكيد: ‏*

اكتبي حروف التأكيد هنا

إلى: dar-ke7el@hotmail.com

‏ادخل الرسالة: ‏

‏‏ادخل بريدك اللإلكترونى: ‏*

‏الاسم: ‏

‏رقم هاتفك: (ليتمكن المحل من التواصل معك): ‏

بحفظ هذه الإستماره انتى موافقه على خصوصية الإستخدام لمولوم .

رقم التليفون

ام سيف: 00971505737534 - أم هند: 00971502117891 - بن كود البلاكبيري: A2762652 - 278be3a3

العنوان

أبوظبي، الرحبة، خلف مستشفى الرحبة، منطقة 113، حوض 11، شارع رقم 6، فيلا رقم (23 A)

Tweet

3

شو هي سياسة التأجير في دار كحل؟
انتي تختارين الفستان الي يعجبج من تشكيلة الفساتين المتوفرة عندنا في المحل من فساتين (سهرة أو ملجة أو حنة أو عروس أو صباحية) و بالنسبة للمقاسات نحن عندنا خياطات خبيرات في تعديل مقاسات الفساتين (من تكبير او تصغير) بالضبط على نفس مقاسج ان شاء الله، وإذا حابة أنج تضيفين أي زيادات على الفستان من أكمام أو إضافة كريستالات أو إكسسوارات و غيره فنحن جاهزين نلبي كل طلباتج بس لازم تحجزين الفستان قبل موعد العرس بموعد ما يقل عن أسبوعين. لو أي زبونة اتينا في دار كحل مستعجلة و عرسهم الليلة أو الليلة الي بعدها و تبغي تأجر فساتين فنحن على استعداد ان نساعدها في مشكلتها و نعدل في مقاسات الفساتين بأسرع وقت ممكن.

من كم تبدأ أسعار التأجير؟
الأسعار تتحدد على حسب عدة عوامل منها اسم المصمم، و سعر الفستان الأصلي، و تاريخ التفصيل، و الشغل الي على الفستان (من كريستالات و شوارفسكي و شج و دانتيل و قصات)، و عدد المرات إلي انلبس فيها الفستان
فساتين السهـــرة: تبدأ من 750 درهم إلى 4,000 درهم
فساتين الخطوبـة: تبدأ من 2,000 درهم إلى 5,000 درهم
فساتين الحنــــــة: تبدأ من 2,000 درهم إلى 7,000 درهم
فساتين العـروس: تبدأ من 6,500 درهم إلى 22,000 درهم
فساتين الصباحية واستقبال المعازيم: تبدأ من 700 درهم إلى 2,000 درهم

شو بالنسبة لطريقة الدفع وتضبيط مقاسات الفستان في حال التأجير؟
بعد ما تختارين الفستان الي يعجبج، بتجربين تلبسين الفستان و بناخذ مقاساتج كلها سواء (للتكبير أو للتصغير) و بتدفعين 30% من سعر الفستان، و بعدها بنعطيج موعد للبروفا قبل موعد العرس بأسبوع، و لما تستلمين الفستان بتدفعين باقي المبلغ إلي هو 70%.

شو هي فكرة تفصيل الفساتين النص بالنص (و اللبسة الاولى)؟ وهل يستوي أنكم تفصلون لي فستان على أساس أأجره منكم و عقب العرس أرده؟
الفكرة هي ان نحن نتعامل مع مصممين معروفين مثل "مايكل، ازرا، اماتو، وليد عطالله، ارستو.. إلخ)
ولما اتينا الزبونة هي بتختار أي مصمم تفضل، و بنحدد معاها و مع المصمم موعد، و نسير فيه مع بعض عشان يصمم لها الفستان الي فخاطرها و طبعا نحن بدورنا بنتعاون معاها لتوضيح أفكارها للمصمم و اذا كانت الزبونة حابة أن نساعدها فنحن نقدر نقترح بعض لمساتنا الي اكتسبناها من خلال خبرتنا في مجال الفساتين و شو الي يتماشى مع الموضة، و بنكون على تواصل مع الزبونة على طول وبنحضر معاها كل البروفات لين ما تستلم الفستان و تكون راضية عنه تماماً إن شاء الله.
 

ممكن أشوف بعض الفساتين الي عندكم فدار كحل؟

نعم، هذه بعض من صور فساتينا:

كيف بالنسبة لطريقة الدفع بالنسبة لتفصيل الفستان بنظام اللبسة الأولى؟
طريقة الدفع بتكون 50% من سعر الفستان على الزبونة تدفعه و 50% من سعر الفستان منا نحن ندفعة.
بعد ما تعتمد الزبونة التصميم الي عجبها بتدفع 30% من سعر الفستان مقدماً إذا كان فستان سهرة ولا حنا و الباقي إلي هو 70% وقت استلام الفستان يندفع، أما بالنسبة لفستان العروس و الملجة فالعروس بتدفع 50% من السعر لما تعتمد التصميم، وبتدفع الباقي الي هو 50% وقت استلام الفستان.

شو هي الأشياء الثانية إلي أقدر احصلها في دار كحل و إلي تهم كل الحريم و البنات من مختلف الفئات العمرية؟
دار كحل توفر لكم كل فترة كولكشن جديد و حصري مثل:
الجلابيات الفخمة للأعياد والمناسبات، بالإضافة لجلابيات البيت الدانتيل الناعمة والراقية (تفصيل وبيع)، و تشكيلة من عبايات الأعراس المشغولة بكريستال السوارفسكي و الشغل اليدوي، إلى عبايات الدوامات والطلعات اليومية الي تتمتع بقصات مميزة وشغل ناعم (تفصيل وبيع)، و أطقم الولادة الفخمة المشغولة بالدانتيل والكريستال (تفصيل وبيع).

إذا عندي فستان عروس أو سهرة تقدرين تأجرينه لي او تبيعينه؟
نعم، ممكن أأجره لج وابيعه، و يعتمد هذا على اسم المصمم و تصميم الفستان و نوعية الشغل و  قيمة الفستان الأصلي و حالة الفستان، بس لازم نشوف الفستان أول شي، و ذلك عن طريق إرساله إلى دار كحل أو إرسال صوره بالموبايل عبر الMMS، أو عن طريق إرسال صورة الفستان إلى ايميل دار كحل dar-ke7el@hotmail.com

كيف بالنسبة للضمانات؟
يكون في ضمان مادي على التأخير في حال تعرض الفستان للتلف، و يكون مذكور في عقد الإيجار.

عندكم خدمات ثانية؟
نعم، و منها: تأجير الإكسسوارات (مسكات العروس، التيجان، خمار العرايس، نعل العرايس و غيره)، خدمة تنظيف و غسل الفساتين قبل أي تأجير، و خدمة توصيل الفستان إلى أي مكان في إمارات الدولة.

شو المميز في دار كحل؟
الي يميز دار كحل عن باقي محلات التاجير، هو ان دار كحل تتعامل مع أكثر من محل تأجير فساتين في أماكن مختلفة من الإمارات، و عندنا شاشة عرض خاصة تعرض صور الفساتين المتوفرة في محلات ثانية على عارضات عشان توضح أدق التفاصيل في الفساتين، و لما اتينا الزبونة تقدر تختار وهي مرتاحة من بين مجموعة كبيرة من الفساتين وهذا بيوفر عليها الكثير من التعب وبتختصر الكثير من الوقت بدال ما تدور في عدة محلات، واذا عجبها اي فستان من الفساتين المعروضة، بتدفع عربون 30% من السعر الأصلي للفستان و بنعطيها موعد ثاني خلال أسبوع أو أسبوعين عشان تشوف الفستان إلي بنوفره لها في دار كحل وبناخذ في نفس الوقت مقاساتها ونعطيها موعد اخير للبروفا قبل العرس عشان نتأكد أن الفستان جاهز للزبونة وراضية عنه 100% إن شاء الله، (و هذا يشبه لحد كبير فكرة تفصيل وتصميم الفساتين ولما اتشوفين الفستان على شاشة العرض، بيكون كأنج اتشوفين الديزاين الي يرسملج اياه المصمم)

وين موقعكم على الخريطة؟
نحن في بوظبي في منتطقة الرحبة خلف مستشفى الرحبة، الصورة و الخريطة يوضحان المكان:

إضافة تعليق جديد

‏التعليق: ‏*

‏اسمك: ‏*

‏بريد إلكتروني: ‏*

محتويات هذا الحقل سرية ولن تظهر للآخرين.

‏‏حروف التأكيد: ‏*

اكتبي حروف التأكيد هنا

بحفظ هذه الإستماره انتى موافقه على خصوصية الإستخدام لمولوم .

ريمان لتصميم الأزياء - Riman F...

دار أم راشد لتأجير الفساتين - ...